ശങ്കര ധ്യാന പ്രകാരം ഗ്രഹിയ്ക്ക നീ
തിങ്കൾ കലാഞ്ജിതം കോടീരബന്ധനം
ഗംഗാ ഭുജങ്കവും നെറ്റി തടം തന്നിൽ
അങ്കജൻ മാവിനെ ചുട്ടോരു നേത്രവും
ശങ്കരധ്യാന പ്രകാരം ജപിച്ചു ഞാൻ
അമ്പലം ചുറ്റുന്ന നേരം
കയ്യിൽ പ്രസാദവും കണ്ണിൽ പ്രകാശവുമായ്
സുന്ദരീ നിന്നെ ഞാൻ കണ്ടൂ.. ആദ്യമായ് കണ്ടൂ..
ഓമൽ പ്രതീക്ഷകൾ ഓരോ കിനാവിനും
ഓഹരി വെയ്ക്കുന്ന പ്രായം
മാതള തേന്മലർ താരുണ്യ മൊട്ടുകൾ
മാറത്ത് കൂമ്പുന്ന കാലം
ആവണി പൂന്തിങ്കളോമനിച്ചോ നിന്നെ
ആതിര പൂന്തെന്നലുമ്മവെച്ചോ
കണ്മണി കണ്മണി എന്ന നൂറായിരം
കൽഹാര പുഷ്പങ്ങൾ കോർത്തൂ
ആരോമലേ നിനക്കേകുവാൻ ഞാനെത്ര
പ്രേമോപഹാരങ്ങൾ തീർത്തൂ
പൂർണ്ണിമേ നിന്നെ ഞാൻ സ്വന്തമാക്കും
നിന്റെ പൂമേനിയിന്നു ഞാൻ ശയ്യയാക്കും