Dhikrithom Dhikrithom Dhimithatthikrithom

ധികൃതോം ധികൃതോം ധിമിതത്തികൃതോം
മേളമരങ്ങുതകര്ക്കുന്നു
ശ്രാവണമാസപ്പുലരിയിലെങ്ങും
പൂരത്തിനു കൊടിയേറുന്നു....
അച്ഛനൊടൊപ്പം, തോളിലിരുന്നി-
ട്ടുത്സമങ്ങനെ കണ്ടുണ്ണി
മേളം മുറുകി... താളം മുറുകി...
മാനസമടിമുടി നീരാടി...
നീരാടീ.....

തളിരോലകളാൽ തീർത്തൊരു തോരണ-
മാലകൾ ഊഞ്ഞാലാടുമ്പോൾ
നാനാ വർണ്ണമിയന്ന സുമങ്ങൾ
മണ്ണിൽ പൂക്കളമെഴുതുന്നൂ...
അന്തിമയങ്ങീ, അംബരവീഥിയിൽ
താരകമാലകൾ കൺചിമ്മീ
കൺചിമ്മീ.....

വളയും ചാന്തും പൊട്ടും മുത്തിന്-
മാലകളും ചെറുപാവകളും
വാങ്ങിമടങ്ങി വരും വഴിയാതിര
വാൽക്കണ്ണെഴുതി നിൽക്കുമ്പോൾ...
വാനിലുയർന്നു വിരിഞ്ഞൊരുമത്താ-
പ്പൂക്കള് നല്ലൊരു മഴയായി
മഴയായി....

How to Purchase ?

• Step 1 : Register or Login
• Step 2 : Add Products to cart
• Step 3 : Go To Checkout
• Step 4 : Complete Payment
• Step 5 : Download Products