Poovani Kathirani vayalukalil

പൂവണി കതിരണി വയലുകളിൽ പൊൻകണിയായ്
താരണി തളിരണി തരുനിരകൾ പുഞ്ചിരിയായ്
ആവണി കതിരൊളി തിരളുമിതാ പൊൻചിങ്ങമായ്
പൂവിളി പുലരികൾ തുയിലുണരും പൊന്നോണമായ്

തുമ്പേ തിരുതാളീ അരിമുല്ലേ പൂ തായോ
തുമ്പീ നീതുള്ളി കളിയാടാനിനി വായോ

പൂമുഖപ്പടിമേല് നിന്നെയും കാത്ത്
പൊന്നിൻ കിനാവുകൾ കണ്ടു ഞാൻ നിന്നൂ
പൂമിഴിയാളേ...
പാതി വിടർന്നൊരു പനിമലർ പോലെ
പൂംപുലർ വേളയിൽ നീയന്നു വന്നു
ഓർമ്മകൾ, വിടരവേ
ആർദ്രമായ് രാഗമാനസം
പൊൻകിനാക്കൾ, പൂവണിഞ്ഞു, ഇന്നുവീണ്ടും

താന്തമീ മനസ്സിൻ തന്തികളിൽ നീ
സാന്ത്വനരാഗം മീട്ടിയുണർത്തി
തേന്മൊഴിയാലേ..
നീയെന്നിൽ പകർന്നു, ജീവനരാഗം
സാന്ദ്രമധുരമാം ആത്മാനുരാഗം
ഓണനാൾ പുലരവേ
ഓമലേ രാഗലോലയായ്
എന്നരികിൽ, നീവരില്ലേ, പ്രേമമോടെ....

How to Purchase ?

• Step 1 : Register or Login
• Step 2 : Add Products to cart
• Step 3 : Go To Checkout
• Step 4 : Complete Payment
• Step 5 : Download Products