Ammayenna Randaksharathil

അമ്മയെന്ന രണ്ടക്ഷരത്തിൽ
സ്നേഹമെല്ലാം പൊതിഞ്ഞു വച്ച്
മാനവർക്ക് പകുത്തു നൽകി
ദൈവം അലിവോടെ
ദൈവത്തിന്റെ അമ്മയായീടാൻ
മറിയത്തെ തിരഞ്ഞെടുത്തു
സ്വർഗ്ഗത്തിലും കരുതി വച്ച്
അമ്മയുടെ സ്നേഹം

അമ്മയോട് ചേർന്ന് ഞങ്ങൾ ദൈവത്തെ വാഴ്ത്തിടുന്നു
അമ്മയിൽ നിത്യവും ഞങ്ങൾ
മാധ്യസ്ഥം തേടിടുന്നു
ആവേ ആവേ മരിയ (4)

ഭക്തിയാൽ അലിഞ്ഞു നിൽക്കും
അമ്മയെന്ന സ്നേഹ തീർത്ഥം
ക്ലേശത്തിലും ശാന്തയായി
മാതാവേ നിന്നെ വണങ്ങും
അമ്മയെല്ലാം കണ്ടിടുന്നു
മാതാവേ നിൻ ദിവ്യ രൂപം
മക്കൾക്കെല്ലാം ഒന്നുപോലെ
ഇടം നൽകും മാനസം

ഭൂമിയിൽ ശ്രേഷ്ഠം അതാ
സ്നേഹം അതു മാതൃസ്നേഹം
എന്തിനും ഏതിനുമേ
തുണയായി അമ്മ വേണം
ഉണ്ണിയീശോതൻ ജീവിതത്തിൽ
നിത്യം തുണയായോരമ്മേ
എന്നേരവും മൃത്യുവിലും
തുണ ഞങ്ങൾക്ക് ഏകണമേ
//അമ്മയെന്ന... //

How to Purchase ?

• Step 1 : Register or Login
• Step 2 : Add Products to cart
• Step 3 : Go To Checkout
• Step 4 : Complete Payment
• Step 5 : Download Products