Aval Chirichal Muthu Chitharum

അവൾ ചിരിച്ചാൽ മുത്തു ചിതറും
ആ മുത്തോ നക്ഷത്രമാകും
അതു കണ്ടാൽ കരളിൽ കൊണ്ടാൽ
ഏതു പകലും രാത്രിയാകും
ആ നക്ഷത്രരത്നങ്ങൾ വാരിയണിഞ്ഞാൽ
ആകാശമാകും
അവൾ ചിരിച്ചാൽ മുത്തു ചിതറും
ആ മുത്തോ നക്ഷത്രമാകും

വാനവും ഭൂമിയും കപ്പം കൊടുക്കും
വരവർണ്ണിനിയല്ലേ - അവളൊരു
വരവർണ്ണിനിയല്ലേ
വാർമഴവില്ലിന്നേഴു നിറങ്ങൾ
പകർന്നതവളല്ലേ - നിറങ്ങൾ
പകർന്നതവളല്ലേ

അവൾ നടന്നാൽ ഭൂമി തരിക്കും
ആ കുളിരിൽ പൂക്കൾ വിടരും
അതു കണ്ടാൽ കരളിൽ കൊണ്ടാൽ
ഏതു മുള്ളും പൂമുല്ലയാകും
ആ നവമാലികകൾ വാരിയണിഞ്ഞാൽ
ആരാമമാകും
അവൾ നടന്നാൽ ഭൂമി തരിക്കും
ആ കുളിരിൽ പൂക്കൾ വിടരും

വാസന്തദേവിക്കു വരം കൊടുക്കും
മാലാഖയല്ലേ - അവളൊരു
മാലാഖയല്ലേ
വാടാമലരിൽ മായാഗന്ധം
ചൂടിയതവളല്ലേ - ഗന്ധം
ചൂടിയതവളല്ലേ

അവൾ ചിരിച്ചാൽ മുത്തു ചിതറും
ആ മുത്തോ നക്ഷത്രമാകും
അവൾ നടന്നാൽ ഭൂമി തരിക്കും
ആ കുളിരിൽ പൂക്കൾ വിടരും
ആ കുളിരിൽ പൂക്കൾ വിടരും

How to Purchase ?

• Step 1 : Register or Login
• Step 2 : Add Products to cart
• Step 3 : Go To Checkout
• Step 4 : Complete Payment
• Step 5 : Download Products