Dhoore Oru Mazhavillin

ദൂരെ ഒരു മഴവില്ലിൻ
ഏഴാം വർണം പോൽ
തൂവൽ കവിളിണയിൽ
നിൻ മായാലാവണ്യം

ഇന്നെൻ ഇടവഴിയിൽ
നിന്നോമൽ കാൽത്താളം
നീയാം സ്വരജതിയിൽ
ഈ മൗനം വാചാലം

സാന്ധ്യരാഗങ്ങളേറ്റു പാടുന്നു
ഭൂമിയും വാനവും
സാക്ഷിയായ് ഭാവുകങ്ങളേകുന്നു
ശ്യാമമേഘങ്ങളും

പവിഴ മഴയേ...നീ പെയ്യുമോ
ഇന്നിവളേ...നീ മൂടുമോ
വെൻ പനിമതിയിവളിലെ
മലരൊളിയഴകിലെ നാളങ്ങളിൽ
എൻ കനവുകൾ വിതറിയ താരകങ്ങളെ
കാണുവാൻ കാത്തു ഞാൻ

ദൂരെ ഒരു മഴവില്ലിൻ
ഏഴാം വർണം പോൽ
തൂവൽ കവിളിണയിൽ
നിൻ മായാലാവണ്യം

ആരാരുമേ തേടാത്ത
നിൻ ഉൽനാമ്പു തേടി
ആരാരുമേ കാണാത്തൊരാ
ദാഹങ്ങൾ പുൽകി

നീ പോകും ദൂരം
നിഴലായ് ഞാൻ വന്നിടാം
തീരങ്ങൾ തേടി
ചിറകേറി പോയിടാം

മധുരമൂറും ചിരിയാലെ നീ
പ്രിയ സമ്മതം മൂളുമോ
മനതാരിൻ അഴിനീക്കി നീ
ഇണയാവാൻ പോരുമോ

കാലമാകുന്ന തോണിയിൽ നമ്മൾ
ഇന്നിതാ ചേരവേ
പീലിനീർത്തുന്നൊരായിരം ജാലം
എന്നില്ലിന്നാകവേ

പവിഴ മഴയേ ...നീ പെയ്യുമോ
ഇന്നിവളേ ...നീ മൂടുമോ
വെൻ പനിമതിയിവളിലെ
മലരൊളിയഴകിലെ നാളങ്ങളിൽ
എൻ കനവുകൾ വിതറിയ താരകങ്ങളെ
കാണുവാൻ കാത്തു ഞാൻ

How to Purchase ?

• Step 1 : Register or Login
• Step 2 : Add Products to cart
• Step 3 : Go To Checkout
• Step 4 : Complete Payment
• Step 5 : Download Products